السلام عليكم ذذذ

يالله حيهم جميع وش اخباركم ؟؟

.

والله اقسم بالله شكراً << متحمس خخخخخ

طبعاً هذي التدوينة مثل ما وعدت بدر، لما كان عدد مشاهدات الصورة حقته في فليكر٦٠٠ مشاهدة، قلت والله بجيب لك هدية كيكة لو وصلت المشاهدات ١٠٠٠ مشاهدة خخخ، بس إنه قال لا أنا اللي مفروض اجيب لك هدية، وهذاني أنتظر الهدية ذذذذ ، خاص لبدر: لما تجيب الهدية دق على رقمي هذا ==> ياليل الملاقيف أنا قلت بدر وش دخلكم ؟؟؟

.

طيب التدوينة هذي عشان اقول لكم إني يالله لقطت الصورة أصلاً، وما توقعت كل هالتفاعل، شكراً لكم على التفاعل، والردود والمشاهدات والفيفز، وكمان دخولها الـExplor، بصراحة تحمست جداً كتخصص فوتوغرافي، ربي ما يحرمنيش منكم

رابط الصورة

.

سالفة الصورة :

طبعاً لقطت هالصورة بعد مارجعنا أنا وأحمد وبدر من ثانوية اليمامة، وكان بدر مو متحمس لها، ما ابغى اثرها واقول انه غصب مبتسم خخخخخخخخ، طبعاً الإضاءة طبيعية جدا، إضاءة الشمس بس كنا واقفين بظل، الكام Nikon d90 ، والعدسة Nikon Lens 24-120mm ، الشتر سبيد كان 1/80 ، وفتحة العدسة كانت 5.6 ، الآيزو كان 100 بس …

.

الإديت :

بعد مانزلت مجموعة الصور لبدر والشباب، دورت وأخيرا رسيت على هالصورة، دخلتها الاستديو حقي << لا يكثر تراه لايت روم ويخب عليك ذذذذ، المووهييم، هذا بكج الصور

.

الخطوات :

دخلت الصورة اللايت روم

.

هنا الهيستوغرام قبل التعديل

وهنا بعد التعديل

.

التعديلات اللي سويتها:

زيادة الـExposure من صفر إلى + 0.62

زيادة الـRecovery من صفر إلى 15

زيادة  الـBlack من صفر إلى 10

( الثلاث تعديلات السابقة خاصة بالإضاءة والظلال )

تنقيص الـClearity الصفر إلى -17

( التعديل هنا لإضافة نعومة في الصورة )

زيادة الـVibrance إلى +25

زيادة الـSaturation إلى +5

( التعديل هنا في قوة الألوان وزيادة تشبعها )

.

وهنا رسمة التون مع الإدخالات:

( التعديل هنا في الإضاءة )

.

تعديل الإعدادات في الـ Saturation تحت تصنيف الـHSL كما في هذي الصورة:

( التعديل هنا لتشبيع الألوان )

.

التعديل في قائمة الـDetail كذا:

( التعديل هنا لإضافة الحدة وزيادة وضوح التفاصيل في الصورة)

بعدين في قائمة الـVignettes عدلت في الـLens Correction كالتالي:

خليت الـAmount بدال الصفر -100

والـMidpoint خليتها 30

( التعديل هنا لإضافة الهالة الغامقة حول الصورة، مجرد لمسة )

.

وبعدين حولتها للفوتوشوب

في الفوتوشوب أضفت طبقة ولونتها بالأسود في بعض الأماكن وخليت صيغتها Overlay طبعاً مجرد لمسة

وأيضاً أضفت على اللاير الأساسي شوية Unsharp Mask لزيادة الحدةة ككل

وبعدها نسخت الصورة الاساسية وطبقت عليها تأثير Gussion Blur بنسبة خفيفة، ومسحت من هذي الطبقة منطقة العيون والأنف والفم، طبعاً مسحت منها عشان ماتروح حدة هالمناطق واللي هي أهم نقاط قوة الصورة…

إلى هنا انتهى الإديت

.

الهدية:

طيب، داري إنها ما راح تهم الكل، لكن أتمنى إني أفيد الفوتوغرافيين ع الأقل، شفتوا الزحمة المكتوبة فوق ؟؟ سويتها لكم على شكل Presets جاهز للايت روم، حملها، وسويلها استيراد Import، وطبقها على صورك، ولعلمك، التون ما يظبط على كل الصور، لازم تلعب شوي كمان ، الله يعين أصحاب النت البطيء ع التحميل ذذذ

هنا الصورة قبل وبعد التعديل:

.

في الأخير، كلمة شكرا أعطيها لأحمد، وأقول له أنتظرك تجي ليلي عشان أستلمك خخخخ ، ولبدر شكرا أبو الشباب، ولتونا أم الأربع ردود في فليكر خخخ، ولكل اللي شاهد الصورة، ورد عليها، وعطاها فيف، أو عطاني رايه خاص، تحياتي لكم جميعا، وما ننحرمش